Lials Amics

[blitiarde de mercoeur_]

Enfin les textes. Bon, je travaille sur Lials Amics, Us guays conortz, S'ieu fis ni dis et Miels c'om no pot ! Bien vu, la fameuse planh ne comporte pas d'extrait musical en regard mais elle est intéressante tout de même (peut être à rapprocher de mon étude mais j'en ai déjà une traduction...). Il s'agit de De totz Chaitius.

Lials amics
1
Lials amics, cui amors ten joios,
Deu ben esser alegres e jausens,
Lares et adretz, humils et amoros,
Era quan ven lo gais terminis jens
Que fai las flors espandir per la plaingna,
El rosignols chanta jostal vert fuoill,
Mas eu non am son doutz chan tan quan suoill
Pois midonz plai que totz jois mi sofraingna.
2
Pero ben sai que dretz es e rasos,
Que cel, qu'es francs et humils e sofrens,
Sia plus mals d'autr'om e plus fellos,
Quan noill ten pro merces ni chausimens ;
E, puois midons m'es salvai' et estraingna,
Leu po trobar ab mi mal et orguoill,
Mas lei no cal, sim pert, per qu'eu nom duoill
Mais de s'amor ni ai cor que m'en plaingna.
3
Non die eu ges tostemps sieus no fos,
O non fezes totz sos comandamens,
Sol que nom fos sos cors tan orgoillos ;
Mas, sitot s'es bon' e bell' e plasens,
Franqu' e gentils e d'avinen conpaigna,
Ja no m'aura, si no vol tot quan vuoill ;
Ailas, quem val, s'ieu l'am o si m'en tuoill
Qu'il fai semblan qu'en re de mi noill taigna.
4
Per so n'estau marritz e cossiros,
Quar anc amei nim failli tan mos sens,
Car per un joi, don no sui poderos,
Soan aillors totz autres jausimens ;
Aisi nom sai conseill ab cui romaingna,
S'autra non am, et il me desacuoill ;
Fols es qui cre tot quan veson siei huoill,
Ni qui pert trop per so que no gasaingna.
5
Totz malmenatz fora fiels e bos,
Francs et omils, e cellatz e sufrens
Ses trop parlar, e de totz engans blos,
E saubra ben entrels desconoissnes
Cobrir mon joi, quil fals, cui dieus contraingna,
No meneson de nostr'amor jangluoill,
S'aisim volgues la genser ques despuoill,
Ja noill fera fencha ni bruich ni laingna.
6
Andreu, lonc temps ai estat en Bretaigna,
E, fai o mal midons quemmostr' orguoill,
S'ieu plus que tuich l'autr' amador la vuoill
Ni plus la am ; es doncs dregs que m'en plaigna.