S'ieu fis ni dis

[blitiarde de mercoeur_]

Bon, je suis partie sur ma lancée donc encore un autre chant. Petit rappel, je travaille sur un article sur la musique de ce troubadour auvergnat. Bonne lecture

S'ieu fis ni dis (A, C, D, G, H, I, K, M, N, P)
1.
S'ieu fis ni dis nuilla saisso
Vas vos orgoill ni faillimen
Ni passei vostre mandamen,
Ab franc cor e lejal e bo
Vos mi ren, balla dous' amia,
Em part de l'autrui seingnoria,
E romane en vostra merce
Cal quem voillatz far mal o be.
2.
Per aital coven vos mi do,
Que non ai poder ni talen,
Quem parta mais a mon viven ;
Qu'amors m'a en vostra preso
Mes, car es la genser, que sia,
E mais aves de cortesia
Quel plus vilans es, quan vos ve,
Cortes eus porta bona fe.
3.
Doncs, puois nous aus querre mon pro
E son vostre sers lialmen,
Ben faretz mais de chausimen
E doblaretz lo guizardo :
Sim das lo joi, qu'eu plus querria
Ses prejar, c'aitals compaingnia
Me platz, quan ses grec s'esdeve,
C'us fis cors ab autre s'ave.
4.
Bem poras trobar ochaiso,
Mas tan vos sai douz' e plazen,
Franca, humil e conoissen,
Per qu'ieus quier francamen perdo,
Qu'ieus tem tant, qu'eu als nous querria ;
Mas ses enjan e ses bausia
Vos am eus amarai jase
E tot so, queus plai, voill e cre.
5.
Qu'eu nom puose dire hoc ni no,
Quant remire vostre cors gen
E la balla bora rizen ;
Sim n'espert mot n'ai ben raso :
Que, si eu tot io mon avia,
Senes vos nuill pro nom tenria,
Ni ses vos nom puosc valer re :
Per qu'er merces, sius en sove.
6.
Pretz e jovenz e cortezia
Creis en vos, domna, chascun dia
E prec deu que do malastre
Toz tels, que partran vos ni me.
7.
De N'Odiart, ves on que sia,
Voill s' acoindans' e sa paria,
C'ab ries fatz enans' e mante
Tot so q',a valen prez cove.