Us guays Conortz

[blitiarde de mercoeur_]

Deuxieme chant de Pons de chapteuil, comme pour le précédent, je fais appel à tous ceux qui pourront m'en dire quelque chose !!! Merci d'avance !

Us guays conortz
1
Us guays conortz me fai guayamen far
Guya chanso, guay fait a guay semblan,
Guay dezirier joyos, guay alegrar,
Per guaya don' ab guay cors benestan ;
Ab cui trob' om guay solatz e guay rire,
Guay aculhir, guay deport, guay j oven,
Guaya beutat, guay chantar, guay albire
Guays digz plazens, guay joy, guay pretz, guay sen,
Et ieu sui guays, quar sui sieus finamen.
2
Fis li m'autrey, quar fis vuelh sieus estar,
E fis lim do, quar fis l'ai fin talan
Que fait m'a fi e tan fi afinar,
Per quielh quier fis fin joy, quar fis la blan ;
Fis la sopley, fis l'am, fis la dezire ;
Aissi cum l'aurs s'afin' et fuec arden,
Suy afinatz, quan saup son fin cossire ;
Per solh suy fis, e hom fizels lim ren
Fis, degenolhs, mas jontas humilmen.
3
S'umilitatz lam fai humilizar,
Quem si' humils, humilmen lim coman,
Ab humil cor, humils ses gualiar,
Qu'aissi conquier humils humilian
Humil plazer, quant es humils servire ;
Humils suy ieu ves midons veramen,
E qui humil vol, si' humils grazire,
Ab humils digz et ab humil parven,
Humil trobei ab bon razonamen.
4
Las, que farai, si vol razon gardar,
Que per razo sui falhitz ves lieys tan
Que nom pot dregz ni razos razonar,
Ni ai razo que lai port razonan.
Razos li ditz que ab razo m'azire,
E, pus razos nom fai razonamen,
Nom guart razos, que razos jutg' aussire,
Razos destrui, razos bat, razos pen ;
Per que val pauc razos ses chauzimen.
5

Chauzimens es, quan pot merce trobar
Selh qu'ab merce quier merce merceyan ;
Pus merce quier, merces mi deu onrar,
Per qu'ab merce merceyan.
Pro val merces qui merces sap eslir,
Merces adutz mayns fais a salvamen
Sel q'ab merce es de merce grazire ;
E ses merce non a hom pretz valen
Per que, sim val merces, midons er gen.
6
Guaya domna, fins, humils, escondire
Nom pot razos, si merces noy dissen ;
Mas ieu fora guays, fis, humils, s'a dire
En fos razos ; pero merce aten,
E per merce esper ric joy jauzen.