Miels c'om no pot dit Pons de Chapteuil

[blitiarde de mercoeur_]

Bonsoir, dernier chant de mon corpus d'étude du troubadour Pons de Chapteuil.... Merci de votre aide et de l'intérêt que vous porterez à ma demande.

Miels c'om no pot dit (A, C, D, G, I, K, M, R, T, b II)

1.
Miels c'om no pot dir ni pensar
Sui eu alegres e jojos,
Tan mi platz la gaja saros,
Qu'eu vei gajamen comensar ;
Parc ges nom d'on' alegrier
Chans d'ausels ni flots de rosier,
Mas vos, domna, m'oves tan dig de be
Qu'esser cuig reis de joi, quan m'en sove.
2.
Bem deu sovenir e menbrar
Delles vostras bellas faissos
E dels gais semblanz amoros,
Quem fan dousamen sospirar.
E quar plus soven no vos quier,
Domna, so que m'agra mestier :
Ges noncalers ni enjans no m'en te,
Mas non aus far ses vostres comans re.
3.
Tostemps mi pogras jausen far
Ab bels ditz, e jall faitz noi fos,
Ab solamen lo bel respos
Miels m'estera c'a nuiill mon par ;
Qu'anc tan bon pretz ni tan entier
Non ac domna, per qu'ieu sofier
En bona patz lo maltraic, que m'en ve,
E sofrirai, tro que n'ajatz merce.
4.
E sius cujatz per gualiar
Lais, que nous veja, dompna pros,
Mandas me venir a rescos,
C'aissi o poiretz assajar ;
Mas mal cresetz lo reprovier
Qu'om non chai ni abat ni fier
Qui no s'esai', e vos, si proatz me,
Poiretz saber, s'ieus am per bons fe.
5.
Dompna, ges nom deu oblidar
Lo comjat, qu'eu pris tan coitos,
Quant me dises : amies, de vos
Mi remenbra ses tot prejar,
E trametrai vos messagier.
Las, si m'o an tout lausengier,
O sui traitz, domna, mas ges non cre
Que tan fis cors me gali nim malme.
6.
Oimais sion li lausengier
A mon dan, s'ieu autra ne quier ;
Que, s'anc virei vas autra part mon fre, Ar sui a vos romasutz per jase.
7.
Fraire, nom sion mensongier
Siei oi11 risen, guai, plasentier,
Que gardavon tau dousamen vas me Que tot lo cor m'alevi' em reve.